Friday, February 23, 2007
ജീവന്റെ വൃക്ഷം...
ആലും ആല്ത്തറയും അവിടുത്തെ ഇത്തിരി തണലും നമ്മുക്കേറെ പ്രിയപെട്ടതാവുന്നതു എന്തു കൊണ്ടാണ് ? അവ നമ്മുടെ തീക്ഷ്ണമായ കൗമാരത്തേയും പ്രസരിപ്പ്പാര്ന്ന യൗവ്വനത്തേയും പ്രതിനിധാനം ചെയ്യുന്ന ഭൂമിക ആയതു കൊണ്ടാവാം. ഏതായാലും ആഴവും പരപ്പുമാര്ന്ന സൗഹൃദങ്ങള് തേടി ഈ വേദികയില് കയറി ഇരുന്നപ്പോള് അതു " ഞാനിതാ ഒരു പുരുഷനായിരുക്കുന്നു' എന്ന രഹസ്യ പ്രഖ്യാപനം കൂടി ആയിരുന്നു. ചില സമാനഹൃദയരെ എങ്കിലും സമ്മാനിച്ച വഴിയമ്പലം. അവിടെ ഞങ്ങളുടെ ചപലമായ നേരമ്പോക്കുകള് പോലും ബലിഷ്ടമായ ചില്ല്ലകള് കുലുക്കി ആസ്വദിക്കാന് നീ ഉദാരമനസ്കത കാട്ടി. മനസ്സിലെപ്പൊഴൊ അനുവാദം കൂടാതെ കയറിപറ്റിയ പ്രണയത്തെ പറ്റി പ്രിയമാനസനോടു ആദ്യമായി പങ്കു വെച്ചതു ഈ തണല് പകര്ന്ന ആത്മവിശ്വാസത്തിലായിരുന്നു.പിന്നീടെപ്പൊഴൊ നഷ്ടപ്രണയത്തിന്റെ വ്രണിത ഹൃദയത്തിനു സമാശ്വാസത്തിന്റെ തെന്നല് കുറിപ്പുകള് നീ സമൃദ്ധമായി പകര്ന്നു തന്നു. ഏറെ തലമുറകള്ക്ക് തണലേകിയ ഈ വേദികയില് ഒരു നിസ്സാര ജീവനും പ്രസക്തിയുണ്ടെന്ന് തിരിച്ചറിഞ്ഞ മറക്കാനാവാത്ത ആ സായന്തനം!! അരികില്, പ്രവാസകാലത്തിന്റെ ഇടവേളയില് ഈ തണലില് വന്ന അപരിചിതന് എന്തോ ഓര്ത്തെടുക്കുവാന് ശ്രമിക്കുന്നു. സംവേദനത്തിന്റെ ഏതോ തലത്തില് അയാള് തന്റെ നഷ്ടപെട്ട കാലവും ഇടവും തിരിച്ച് പിടിച്ച്, കൃതാര്ത്ഥതയോടെ നടന്നു നീങ്ങുന്നത് ഞങ്ങള് കോരിത്തരിപ്പോടെ കാണുന്നു.അപ്പോള്, അപ്പോള് മാത്രം ഇവിടെ അനന്തമായ കാലം തളം കെട്ടി നില്ക്കുന്നത് ഞങ്ങള് അറിയുന്നു.
Subscribe to:
Post Comments (Atom)
3 comments:
സ്വാഗതം സുഹൃത്തേ....കന്നി കമന്റ് എന്റെ വക.
നന്നായിട്ടുണ്ടെട്ടോ..
valare nannayirikkunnu.Bhaarathappuzhayude theerangil nadakkaanirangiya apadhasanjaarikalude kaalpaadukal enthokkeyo srishtikkunnu ennathinu marapatikkurippezhuthiya ee suhruthine orkkunnundennu karuthennu.
Puthiya rachanakal pratheekshikkunnu.
Post a Comment